ჩვენ შესახებ
სიახლეები
პუბლიკაციები
საჯარო ინფორმაცია
კონტაქტი
7 ნოემბერს ,თელავის ისტორიულ მუზეუმში „ერეკლეობა 2023 “ სახალხო დღესასწაულის ფარგლებში ბევრი საინტერესო ღონისძიება გაიმართა :
კახთ მეფეთა სასახლის კარის ღვთისმშობლის მიძინების ტაძარში აღევლინა წირვა.
თელავის ისტორიული მუზეუმის დროებით საგამოფენო სივრცეში გაიხსნა იარაღის გამოფენა. გამოფენაზე წარმოდგენილია მე - 18 -19 საუკუნის იარაღი, რომელიც დაცულია მუზეუმის ფონდსაცავში. გამოფენა გაგრძელდება ორი კვირა ;
მეფის სასახლის საელჩო დარბაზში გაიმართა თელავთან დამეგობრებული ქალაქების დელეგაციების მიღების ცერემონიალი .
სასახლე მემორიალის საელჩო დარბაზში გაიმართა საქართველოს სამეფო სახლის მეთაურის ბატონიშვილი ნუგზარ ბაგრატიონ გრუზინსკის მიერ ორდენით დაჯილდოვების ცერემონიალი.
ქართული ჭიდაობის საერთაშორისო აკადემიამ , ქართული ჭიდაობის საერთაშორისო დონეზე აყვანასთან დაკავშირებით ჩამოიტანა პრიზი ,,ოქროს საწმისი“ , რომელიც დროებით გამოიფინა სასახლე - მემორიალის საგამოფენო სივრცეში. ამავე ღონისძიების ფარგლებში ბატონის ციხის ეზოში მოეწყო ქართული ჭიდაობა ;
მუზეუმში წარმოდგენილი იყო მხატვარ - დიზაინერის ნინო მრელაშვილის პერსონალური გამოფენა სახელწოდებით - " ისტორიული ფეხსაცმლის მოდელები გასული საუკუნიდან". კოლექცია არის, საქართველოს კულტურის, სპორტისა და ახალგაზრდიბის სამინისტროს კონკურსის "მუსიკალური ინსტრუმენტების, ხალხური საკრავებისა და სასცენო სამოსის (ფეხსაცმელი და აქსასუარები) ოსტატთა ხელშეწყობა" ფარგლებში გამარჯვებული პროექტი.
ერეკლეობის დღესასწაულთან დაკავშირებით მუზეუმმა გამოსცა ერეკლე II - ის პორტრეტებითა და მისი პირადი ნივთებით ილუსტრირებული სამაგიდო კალენდარი, რომელის შეძენაც მსურველებს შეეძლებათ მუზეუმში;