ჩვენ შესახებ
სიახლეები
პუბლიკაციები
საჯარო ინფორმაცია
კონტაქტი
თელავის ისტორიული მუზეუმის საკონფერენციო დარბაზში ფოტოხელოვანი - ვასილ როინაშვილის (1879-1958 წწ.) - შემოქმედებისადმი მიძღვნილი პრეზენტაცია გაიმართა.
პროექტის ავტორი და მომხსენებელი გახლდათ - ისტორიკოსი, ვ. როინაშვილის შემოქმედების მკვლევარი: მაია ყაზახაშვილი (საქართველოს ეროვნული მუზეუმი, ი. გრიშაშვილის სახ. თბილისის ისტორიის მუზეუმი).
პრეზენტაციაზე მომხსენებელმა ისაუბრა ვასილ როინიშვილის ცხოვრებასა და მოღვაწეობაზე ,ასევე წარმოადგინა ფოტოხელოვანის მიერ გადაღებული ფოტოები ,რომლებიც დაცულია როგორც კერძო კოლექციებში ,ასევე სხვადასხვა დაწესებულებებში, მათ შორის თელავის ისტორიული მუზეუმის ფოტო ფონდში.
მოგეხსენაბათ, ვასილ როინიშვილი მოღვაწეობდა მე-19 საუკუნის დასასრულსა და მე-20 საუკუნის პირველ ნახევარში. ფოტოხელოვანის შემოქმედებაში თემატურად არის წარმოდგენილი მისი თანადროული ეპოქის ყოფა-ცხოვრება, კულტურა, ტრადიცია. თითოეული ფოტო, გარდა ისტორიულ-ეთნოგრაფიული მნიშვნელობისა, მაღალმხატვრული ღირებულების მატარებელიცაა. მათში იგრძნობა ავტორისეული ემოცია და მხატვრულ-კომპოზიციური ხედვა. ხელოვანი მუშაობდა რამდენიმე ფოტოგრაფიული მიმართულებით: არქიტექტურული, პორტრეტული, მხატვრული ფოტო და სხვ. ის არის ავტორი ე.წ. „განწყობის ფოტოებისა“, რომელიც წარუშლელ შთაბეჭდილებასა და ემოციას იწვევს მნახველში.
როინაშვილი განსაკუთრებით კარგად ფლობდა ფოტომონტაჟის ტექნიკას, რა შედეგსაც დღეს კომპიუტერული ტექნოლოგიების გამოყენებით - ,,ფოტოშოპით“ ვაღწევთ.
აღნიშნული პრეზენტაცია მიზნად ისახავს ნაწილობრივ შეივსოს ის ინფორმაციული სიცარიელე, რომელიც ქართული ფოტოგრაფიის განვითარების ამ უმნიშვნელოვანეს პერიოდს ეხება.