თელავის ისტორიულ მუზეუმს სტუმრად ეწვია იტალიის კინოსა და თეატრის დამსახურებული მსახიობი სიმონა კავალარი.

4 ივნისს, თელავის ისტორიულ მუზეუმს სტუმრად ეწვია იტალიის კინოსა და თეატრის დამსახურებული მსახიობი სიმონა კავალარი.

ცნობილი მსახიობი საქველმოქმედო ფონდის „ცხოვრება მშვენიერია“-ს ინიციატივით ჩამოვიდა საქართველოში ,რათა უკეთესად გაეცნოს ქართულ კულტურას და გაამყაროს ურთიერთობა ქართულ და იტალიურ ხელოვნებას შორის.

პროექტის ფინანსური მხარდამჭერები არიან:

იტალიის საელჩო საქართველოში, ქ. თბილისის მერია, კულტურის სამინისტრო.

პროექტის მხარდამჭერები არიან:

თელავის ისტორიული მუზეუმი ,კოტე მარჯანიშვილის სახელობის სახელმწიფო დრამატული პროფესიული თეატრი, შოთა რუსთაველის სახელობის თეატრისა და კინოს უნივერსიტეტი.

სიმონა კავალარის სამსახიობო კარიერა 1982 წელს დაიწყო, როდესაც 11 წლის ასაკში პირველად გამოჩნდა ჯიაკომო ბატიატოს სატელევიზიო ფილმში “Colomba”. ამის შემდეგ, 1985 წელს, მონაწილეობდა იტალიურ-ამერიკულ კრიმინალურ დრამაში – “The Pizza Connection”, რომელიც დამიანო დამიანისმა გადაიღო. სიმონა კავალარის მონაწილეობა “The Pizza Connection”-ში იყო მისი კინოკარიერის ერთ-ერთი მნიშვნელოვანი ეტაპი, რადგან ამ ფილმში მონაწილეობით იგი მეტად აღიარებული გახდა იტალიურ კინოში და მოგვიანებით დიდ წარმატებასაც მიაღწია.

სიმონა კავალარი ასევე გამოჩნდა კანის კინოფესტივალზე “Il sogno della farfalla” (1994) ფილმის ფარგლებში, რომელიც მარკო ბელოჩიომ გადაიღო.

“Il sogno della farfalla” ხშირად ითვლება ფილმად, რომელშიც კავალარიმ ყველას აჩვენა თავისი ნამდვილი მსახიობური ნიჭი, ემოციური სიძლიერე და პერსონაჟის სიღრმე.

კავალარი მალევე ცნობილი გახდა იტალიურ ტელესერიებით, განსაკუთრებით კი “La Piovra”-თი (1984-1989), ერთ-ერთი ყველაზე ცნობილი და გავლენიანი იტალიური კრიმინალური დრამა, სადაც იგი მთავარ როლს ასრულებდა. La Piovra-მ დაიმსახურა არა მხოლოდ იტალიური, არამედ საერთაშორისო აღიარება, ხოლო მისი ცნობილი საუნდრეკი ენიო მორიკონეს კინემატოგრაფიული პორტფოლიოს მნიშვნელოვან ნაწილს წარმოადგენს.

კიდევ ერთი ცნობილი მინი-სერიალი გახლდათ “Il Capo dei Capi” (2007), სადაც სიმონას შესრულებული როლი – როზა, ფართო პოპულარობით სარგებლობდა.