თელავის ისტორიულ მუზეუმს , ათენში მოქმედმა ქართული დიასპორის საზოგადოებრივმა ცენტრმა , ხელმძღვანელის - ქალბატონი ნანა თევდორაძის ინიციატივით, გამოუგზავნა იტალიაში მცხოვრები ქართველი პოეტის — ეკა ოთარაშვილის ლექსი, რომელიც თელავს ეძღვნება.
ლექსი წარმოდგენილია ბანერზე, კალიგრაფიული ხელოვნებით გაფორმებული და ეწოდება „ერთი ლექსი კალიგრაფიაში“.
აღნიშნული საჩუქრის გადმოსაცემად, ათენში მოქმედმა ქართული დიასპორის საზოგადოებრივმა ცენტრმა ნდობით აღჭურვილ პირად ლეილა ლეგაშვილი დანიშნა ,რომელის მეშვეობითაც ბანერი თელავის ისტორიულ მუზეუმს გადმოეცა.
ეს საჩუქარი მუზეუმისთვის არის სიყვარულით შექმნილი კულტურული ხიდი, რომელიც აერთიანებს საქართველოს საზღვრებს გარეთ მცხოვრებ ქართველებს სამშობლოსთან.