ირინა ძამაშვილის პერსონალური გამოფენა - ,,ფერების კარნავალი"

26 ივლისს, თელავის ისტორიული მუზეუმში გაიხსნა ირინა ძამაშვილის პერსონალური გამოფენა - ,,ფერების კარნავალი"

ირინა ძამაშვილი დაიბადა საქართველოში თბილისში 1977 წლის 8 იანვარს. მხატვრის მამა ედუარდ ლაპკოვსკი, საქართველოში დაბადებული პოლონელი, საქართველოს დამსახურებული მხატვარი გახლავთ.მთელი ბავშვობა ირინამ გაატარა კინოსტუდიაში სადაც მამა მუშაობდა მხატვარ დეკორატორად და ბავშვობიდან ეზიარებოდა ხატვას და დეკორაციების შექმნის პროცესს,ირინა სწავლობდა ელენე ახვლედიანის სამხატვრო სკოლაში და ასევე მოზარდ- ახალგარდობის ცენტრში, ბავშვობიდან შეისწავლა ისეთი დარგები როგორც ხეზე ჭრა ,ჭედურობა,ქარგვა ფერწერა და გრაფიკა. აქვს შექმნილი 700 მეტი საინტერესო და ორიგინალური ნამუშევრები, რომლებმაც დაიმსახურა ქართველ და უცხოური სპეციალისტთა და მნახველთა დიდი ინტერესი.

ირინას ნამუშევრები გამოირჩევა ფერთა სიმრავლით და დეკორატიული ელემენტებით,მან შეიმუშავა საავტორო ტექნიკა შავ ტილოზე რომლით აქვს შესრულებული თბილისის ქუჩების ხედები .

1994 -1999 წელს სწავლობდა და წარჩინებით დაამთავრა თბილისის სახელმწიფო აკადემიის ფილიალი.

მხატვარი პატარა ასაკიდან მონაწილეობდა სხვადასხვა გამოფენებში და კონკურსებში, როგორც საქართველოში, ასევე მის ფარგლებს გარეთ:

"Art Friends'" ჯგუფური გამოფენები 2021-2022

2021-პიკასოს იუბილე, გალერეა 9, თბილისი

2021- "დიალოგი ფერებთან" აბრეშუმის გალერეა, თბილისი

2021- " ხელოვნების მეჯლისი" მერაბ ბერძენიშვილის საერთაშორისო კულტურის ცენტრში "მუზა"

2022-ქართულ- სომხური გამოფენა- კონკურსი, მიძღვნილი სერგო ფარაჯანოვის იუბილეს, რომელიც ჩატარდა თბილისის საკრებულოში ქართველ- სომეხთა კავშირის ორგანიზებით.

2022 მარტი- სპანდან საერთაშორისო ონლაინ გამოფენა, ინდოეთი, გოა. დააჯილდოვეს სპანდან საერთაშორისო ჯილდოთი, როგორც საუკეთესო ნამუშევარი.

2022 აპრილში- " ფერთა ფილოსოფია" საქართველოს სახვით მუზეუმი, თბილისი

2022 8-14 მაისი- " ხელოვნების საღამოები" ათენი, საბერძნეთი

2022- 26-29 სექტემბერი, მონაწილეობა მიიღო სპანდან გლობალ საერთაშორისო ინდო ქართული ართ ფესტივალში, იართ გალერეა, თბილისში

2023- ქართულ- სომხური გამოფენა კონკურსი, მიძღვნილი სერგო ფარაჯანოვის იუბილეს, რომელიც ჩატარდა ქართველ- სომეხთა კავშირის ორგანიზებით თბილისის ეროვნულ ბიბლიოთეკაში.

2022 წლის 25-30 ნოემბერს ჯგუფური გამოფენა BDMC გალერეაში, პარიზში

2023 წლის 16 მარტს მისი ნამუშევარი თემაზე " ფემიციდი" მოხდა საუკეთესო 20 ნამუშევარს შორის, რომელიც ჩატარდა საქართველოს ეროვნული არქივის საგამოფენო დარბაზში და დაჯილდოვდა სერტიფიკატით.

მხატვარს მოწყობილი აქვს 2 პერსონალური გამოფენა : 2022 წლის 6-9 ოქტომბერს და 2023 წლის 11-14 მაისს, თბილისში აბრეშუმის გალერეაში გამოფენა სახელწოდებით "სიყვარულის ფერები",სადაც წარმოდგენილი იყო 50 ფერწერული ტილო.

მისი ნამუშევრები ინახება კერძო კოლექციებში, როგორც საქართველოში, ასევე მის ფარგლებს გარეთ, კერძოდ: ამერიკაში, დიდ ბრიტანეთში, ისრაელში, ინდოეთში, იტალიაში ,რუსეთში და ავსტრალიაში.

გამოფენა გაგრძელდება მიმდინარე წლის 10 აგვისტომდე